مادام في داخل خفوقك مكاني
وغلاي في قلبك تمكن من الجوف
لك الغلا اللي ماخذاه شخص ثاني
وقلبي على حبك متيم وملهوف
ياحاضري مافات لي من زماني
تجاربٍ مرت على ناظر الشوف
محدن ابد مثلك سكن بالمحاني
حبي لك اكبر من تعابير ووصوف
ياللي ملكتيني بحب وحناني
قلبي امانه لا اعتلى سوره الخوف
فكري انشغل بك ماسلى لو ثواني
وحال الخفوق اليوم بالحيل مشغوف
يالغاليه ياللي ملكتي كياني
ردي علي قلبٍ من الحب مخطوف
والله لو ربي بجوده عطاني
لا اهديك لكني تعنيت بظروف